SOLDA, Gall. SOULDE

SOLDA, Gall. SOULDE

quasi Solida, a solidando, non lapis est, ut quibusdam creditum, sed herbae vitrariae cineres in massam lapideam indurati, quibus ad crystallina conficienda uti consuevêre. Halimum eam herbam Veteres dixêre, cuius folium pingue, spissum ac leve, oblongumque: recentiores Chali, e qua sal ille, quem vocant salem Chali, item alumen Catinae, quod idem est cum Solda Narbonensium. Cuiusmodi salem hodieque mangni faciunt Chymistae et frequenter eô utuntur. Graecis quoque Χημείας artificibus plurimum commendatur et miris laudibus effertur, ad eos eftectus praecipue, in quibus ἡ πῆξις requiritur. Unde Ἐρμοῦ βάσιν prophetae vocârunt, quod eô fixum suum Mercurium redderent. Lisdem Sol aurum est; unde Halimum ἡλίου ςτέφανος, quod eô etiam uterentur ad argentum commutandum in aurum. Et Pythagorae ἱερος κλάδος, sacer ramus, quod scil. ad Sacram artem conduceret. Adeo autem cineres huius fruticis indurescunt, ut lapidem ipsum duritiâ vincant, unde et circumforanei Vitriarii lapidis genus esse sunt persuasi. Vide hanc in rem complura, apud Salmas. ad Solin. p. 1906. et seqq. ut se infra in verbo Solidare, ac voce trago, item supra vice Ampullacia.